దున్నేవాడిదే భూమి

" దున్నే వాడిదే భూమి " ఒక్కప్పుడు ఈ నినాదం వాడ ,వాడల మార్మోగింది , లక్షలాది మంది ప్రజలు ప్రభావితం అయ్యారు. గ్రామీణ ప్రాంతాలలో ప్రదాన ఆదాయ వనరు అయిన " భూమి " . ఎలాంటి కుల వృత్తి లేనటువంటి ప్రజలకు భూమి ఒక్క ఆయువుపట్టు . సామాజికంగా , ఆర్ధికంగా వెనకబడిన వర్గాలను వివక్ష నుండి రక్షించాలి అంటే భూమి కావలి .

దశబ్దాలు గడిచేకొద్దీ మనువాదులు ఈ దేశాన్ని , సమాజాన్ని కులం వర్గాల వారిగా విడదీసినప్పుడు అనాదిగా భూమినే నమ్ముకున్న ' ఈ దేశపు ములవాసులు ' భూమి నుండి దూరంగా నేట్టవేయబడ్డారు . భూమి లేని ప్రజలు బానిసలుగా , కూలీలుగా మార్పు చెందేరు . " పోరాడితే పోయేది ఏముంది - బానిస సంకెళ్ళు తప్పా "  ఈ నినాదం వాళ్ళ ఊపిరి అయ్యింది . అవును బానిస సంకెళ్ళ నుండి విముక్తి పొందటానికి ఇంటికొక మనిషి గుట్టల్లో , చెట్టులో తమ ప్రాణాన్ని పెట్టి పోరాడరు . భరత మాత తమ పిల్లల కోసం తనే రాసుకున్న రాజ్యాంగాన్ని కాదు అని బానిసలుగా , వెట్టి చాకిరి చేయిస్తున్న పెట్టందారులను ఎదుర్కోవటానికి ఒక్కొకరు ఒక్క " సూర్యుడి " లా భగ ,భగ మండేరు.

కాలం మారింది , ప్రజల తిరుగుబాటు కు ప్రభుత్వాలు కదిలేయి , మీకోసం భూమి పంచుతాం అన్నారు , అడవి , గుట్ట , నీరు మీదే అన్నారు . రాళ్ళూ ,రప్పలు , తప్ప నీరులేని భూమి ఇచ్చేరు అయిన సరే తమ రక్తాన్నే నీరుగా పోసి బంగారాన్ని పండించేరు . బానిస - బంగారాన్ని పండించేడు . పెద్దోడి కన్ను బగారం మీద - కాదు బంగారం లాంటి భూమి మీద పడింది 

భరత మాత ' మాట తప్పింది ' ! మీ కోసం ఈ  భూమి అన్న నోరు ఇప్పుడు అదే నోటి తో అబద్దం ఆడుతుంది. మీకోసం అభివృద్ధి అంటూ అదే గుట్టలను , భూమిని భలవంతాన లాక్కుంటుంది. బ్రతిమిలాడి , దండం పెడితే తుపాకి ఎక్కుపెట్టింది. తిరగబడితే యుద్ధం ప్రకటించింది . బారతమాత తన బిడ్డలు మీద " యుద్ధం " ప్రకటించింది. 

66 సంత్సరాల స్వాత్రంత  బారత దేశం ప్రజల మీద యుద్ధం ప్రకటించింది. భూమి అడిగిన పాపానికి యుద్ధం ప్రకటించింది. ఇన్ని సంత్సరాలు పాలకులు చూపిన అభివృద్ధి నీటి రాతలే . నేటికి కిలో బియ్యం కొనలేని స్తితిలో ఇదే పాలకులు ప్రజలను బిచ్చగాళ్ళుగా తమ దుకాణాల మీద నుంచో పెట్టింది . ఎవరికోసం ఈ కిలో " రూపాయి " బిక్ష . భూమి , నీరు మీరు తీసుకుని మాకు బిక్ష ఇస్తారా ! అని అడిగే శక్తి లేని ప్రజలను ఓట్ల రాజకీయాల కోసం బిక్షగాళ్ళను చేస్తుంది .అభివృద్దిని అరచేతిలో చూపించి , ఇంకొక చేతితో పీకలు నోక్కేస్తుంది.

ప్రజా ప్రభుత్వాలు భందు ప్రీతి , అవినీతి ఊబిలో పీకల్లోతుల్లో మునిగి సంబరాలు చేసుకుంటున్నాయి. ప్రపంచీకరణ , గ్లోబలైజేషన్ లో ప్రజలను వలస వాదులు గా చేస్తున్నాయి . పెట్టుబడి దారుల గుప్పెట్లో ప్రజా ప్రభుత్వాలు అత్యంత క్రూరంగా ప్రజలను భూమి నుండి దూరం చేస్తున్నాయి. ఆర్ధిక అవసరాల కోసం ప్రపంచ దేశాలు ఒక్కటి అవుతున్నాయి , కానీ ఆ దేశం లోని ప్రజలను విడదీస్తున్నాయి . తర తరాలుగా వెనకబడి అభివృద్ధి కోసం , తమ స్తితి గతుల్లో మార్పు కోసం ఒక వర్గం గా , అభివృద్ధి పేరుతొ ప్రజలను దోచుకున్న ఇంకొక వర్గం ఇంకొక వైపు !

అందుకే " దున్నేవాడిదే భూమి " కావలి , ఇంకొక్క సారి మారుమోగాలి 

అదిగో వస్తున్నాయి , వస్తున్నాయి 

జగన్నాధ రధచక్రాలు ...,

వద్దు ,ఇంకా ఆశపడకండి .

ఈ భూమి , నీరు మనదే. పోరాడండి , పోరాడితే పోయేది బానిస సంకెళ్ళు .